ပိုလျှံနေသော ၀ါကျများ

(၁)

ငါးဟာ….

ရေကိုမသိသလို

လူတွေဟာ….

မသိတာကလွဲလို့

အားလုံးသိခဲ့ကြတယ်။

ကြည့်မြင်တိုင်

ကြည့်မြင်တိုင်ဆိုတာ
ရန်ကုန်အနောက်ပိုင်းခရိုင်က
လူဦးရေ ၂ သိန်းခန့် အခြေချနေထိုင်တဲ့အရပ်

ရာဇ၀င်အရ
မြန်မာဘုရင်များလက်ထက်က
ခံတပ်ရွာလေးတရွာဖြစ်သလို
ရွှေတိဂုံဘုရားသမိုင်းထဲမှာတော့
မောင်ကံ ရွှေတိဂုံစေတီကို ကြည့်မြင်တိုင်တည်တဲ့နေရာ


ရပ်ကွက် ၂၀ နဲ့ဖွဲ့စည်းထားတဲ့
ရပ်ကွက် ၂ခုက လှိုင်မြစ်ကြီးခြားတဲ့
ထူးထူးခြားခြား မြို့နယ်တခု

မိခင်၏ နှောင်ကြိုးကို ဖြေပါအံ့

သည်းစွာသောအနာကို ကုစားပါအံ့
သမီး၏လုံ့လ၀ီရီယဖြင့် နာလန်ထူပါစေအံ့...

မွေးကျေးဇူးကို မသိတတ်သော
ထိုသူတို့အား
သိနားလည်အောင် ဆွဲဆောင်နိုင်စွမ်းကို
သမီးအားပေးပါလေ...

တွေ့ရအံ့သော ဘေးရန်တို့ကို
သမီးထီမည်မဟုတ်...

တဘ၀တွင် တခါသာသေရသည်ဖြစ်၍
အဘယ်နည်းနှင့်သေရသည်ဖြစ်စေ
သမီး၌မထူးခြား...

သမီး၏ စိတ်ကူးတို့သည်
အကယ်အဖြစ်သို့ ရောက်သောအချိန်တွင်
အသင်တို့သည်လည်း ပျော်မြူးကြရမည်...

အခြားအခြားသော သူတို့၏
ရှုတ်ချခြင်း
ကဲ့ရဲ့ခြင်း
မုန်းတီးရွှံရှာခြင်း
နာမည်ဖျက်ခြင်းတို့ကို
သမီး အလျဉ်း ဂရုမပြု...

မိခင်ထံမှ ဒါမှငါ့သမီး ဟူသော
ကျုးရင့်သံကိုသာ တောင့်တပါ၏...

လောကတွင် မိခင်၏ကျေးဇူးကို
အသိတတ်ဆုံးသမီး ဖြစ်ရပါလို၏။ ။

               အောင်ဆန်းစုကြည်

မျက်ဖြေလင်္ကာ

•  သူတည်းတစ်ယောက် ကောင်းမှုရောက်မူ

           သူတစ်ယောက်မှာ ပျက်လင့်ကာသာ
           ဓမ္မတာတည်း ။

•  ရွှေအိမ်နန်းနှင့် ကြငှာန်းလည်းခံ

            မတ်ပေါင်းရံလျက် ၊ ပျော်စံရိပ်ငြိမ်
            စည်းစိမ်မကွာ ၊ မင်းချမ်းသာကား
           သမုဒ္ဒရာ ၊ ရေမျက်နှာထက်
            ခဏတက်သည့် ရေပွက်ပမာ
            တစ်သက်လျာတည်း ။

•  ကြင်နာသနား ၊ ငါ့အားမသတ်

           ယခုလွှတ်လည်း ၊ မလွတ်ကြမ္မာ
           လူတကာတို့ ၊ ခန္ဓာခိုင်ကြည်
           အတည်မမြဲ ၊ ဖောက်လွှဲတတ်သည့်
           အချွတ်စသာ ၊ သတ္တ၀ါတည်း ။

• ရှိခိုးကော်ရော် ပူဇော်အကျွန်

          ပန်ခဲ့တုံ၏ ၊ ခိုက်ကြုံဝိပါက်
          သံသရာစက်၌ ၊ ကြိုက်လတ်တွန်မူ
          တုံ့မယူလို ၊ ကြည်ညိုစိတ်သန်
           သခင်မွန်ကို ၊ ချန်ဘိစင်စစ်
          အပြစ်မဲ့ရေး ၊ ခွင့်လျှင်ပေး၏
          သွေးသည် အနိစ္စာ၊
          ငါ့ခန္ဓာတည်း ။ 
                          အနန္တသူရိယ အမတ်
မြန်မာနှစ်- ၅၃၃ (ခရစ်နှစ် - ၁၁၇၁ ) တွင် မင်းယဉ်နရသိင်္ခ သည်ပုဂံထီးနန်းကိုသိမ်းမြန်းစိုးစံသည် ။ ထိုမင်းသည်ညီတော်အိမ်ရှေ့စံနရပတိစည်သူ၏ မိဖုရား ဝေဠုဝတီကို အတင်းအဓ္ဓမသိမ်းယူသည် ။၅၃၆ တွင် ညီတော် နရပတိစည်သူက နောင်တော်ကိုပုန်ကန်သတ်ဖြတ်ပြီး နန်းတက်သည် ။ထို့နောက်နောင်တော်အထိန်းတော်သား အနန္တသူရိယ အမတ်ပေါ်တွင် ယခင်ကမလိုမျက်ပွားအငြိုးထား သည်နှင့်ထိုအမတ်ကိုဖမ်း၍သတ်လေဟုသူသတ်တို့အားမိန့်၏။ အနန္တသူရိယသည်ရဲရင့်တည်ကြည်သော စိတ်ထားရှိသူဖြစ်သည် ။
အသတ်ခံရအံ့ဆဲဆဲတွင်" သူတည်းတစ်ယောက်ကောင်းမှုရောက်မူ " အစဖြာသော ရေပွက်ပမာလင်္ကာကိုအေးဆေးတည်ငြိမ်စွာစပ်ဆို ပြီးမင်းကြီးအားဆက်သပါဟုမှာကြားခဲ့လေသည် ။်

လက်ဝဲသုန္ဒရ အမတ်ကြီး

စစ်နည်းဗျူဟာ ဘယ်လိုသာလည်း
စွဲကိုင်လက်နက် ဘယ်လိုထက်လည်း
ပြည်သူ့နှလုံး မသိမ်းကြုံးလျှင်၊
ပြည်သူ့စွမ်းအား မကိုးစားလျှင်
ဓားသွားလည်းကြွေ၊ လှံလည်းခွေအံ့......
                                  လက်ဝဲသုန္ဒရ အမတ်ကြီး ဦးမြတ်စံ

မင်းခုံတိုင်မြို့စား၊ မင်းကြီးအတုလမဟာဓမ္မိကရာဇာဘွဲ့ရ လက်ဝဲသုန္ဒရ အမတ်ကြီး ဦးမြတ်စံ သည် ညောင်ရမ်းခေတ် နောက်ဆုံးမင်းဆက် မဟာဓမ္မရာဇာဓိပတိ မြှောက်စားခဲ့သော စဥ့်ကိုင်နန်းစိုက်သည့် ကိုးသိန်းသခင် သတိုးမင်းခေါင်ထံတွင် လွှတ်ရုံးစာရေးအဖြစ် မင်းမှုထမ်းဘ၀ကို စတင်ခဲ့ပြီး အလောင်းမင်းတရားကြီး ဦးအောင်ဇေယျ၊ နောင်တော်မင်းကြီး၊ ဆင်ဖြူရှင်မင်း၊ စဥ့်ကူးမင်း၊ ဖောင်းကားစား မောင်မောင်၊ ဘိုးတော်ဘုရား၊ ဘကြီးတော်မင်းတို့ လက်ထက်တိုင် မင်းရှစ်ဆက် အမှုထမ်းခဲ့သူဖြစ်သည်။ သူသည် အလောင်းမင်းတရား၏ ခြောက်ကျိပ်ရှစ်ယောက်ရှိသော သွေးသောက်တပ်ဖွဲ့တွင် တစ်ဦးအပါအ၀င်ဖြစ်သလို တပ်တော်ရေး၊ တရားသူကြီးအပါအ၀င် ရာထူးကြီးများကိုလည်း ထမ်းဆောင်ခဲ့သူဖြစ်သည်။ စာပေဖက်တွင်လည်း သာမန် မယ်ဘွဲ့၊ မောင်ဘွဲ့၊ ကျေးစေရတုများမှသည် ၀ိနိစ္ဆယပကာသနီ ဓမ္မသတ်လင်္ကာပျို့၊ သာဓိနပျို့နှင့် စစ်ကျမ်းများ၊ စစ်သည်တော်ကျင့်ဝတ်များအကြောင်း ရေးဖွဲ့ထားသည့် နန္ဒိသေနပျို့၊ စစ်ချီ စစ်တက် နည်းဗျူဟာများအကြောင်းရေးဖွဲ့ထားသည် သေနင်္ဂဗျူဟာပျို့၊ စစ်ဆင်နည်းများအကြောင်း ရေးဖွဲ့ထားသည့် ဗျူဟစက္ကိပျို့တို့ကို ရေးဖွဲ့ခဲ့သူဖြစ်သည်။ ထိုကဲ့သို့ လက်ရုံးရည်ရော၊ နှလုံးရည်ပါ ပြည့်ဝသည့် စာဆိုစစ်သည် စွယ်စုံပညာရှိ အကျော်အမော် လက်ဝဲသုန္ဒရ အမတ် သည် ရတု ၅၅ ပုဒ်၊ ရေးသားခဲ့သည်။